ސްޕޯޓިންގެ ކޮންޓްރެކްޓްގައި ހުރެ އަމޯރިމް ވެސްޓްހޭމާ ވާހަކަ ދެއްކުމުން ސަޕޯޓަރުން ރުޅިގަދަވެއްޖެ
މިހާރު
28 އޭޕްރީލު 2024 | އާދިއްތަ | 8:55
ލިޒްބަން (އޭޕްރީލް 28) – ސްޕޯޓިން ލިޒްބަންގެ ކޯޗުކަމުގައި ހުރެ، ވެސްޓް ހޭމް ޔުނައިޓެޑާ ވާހާކަ ދެއްކުމުން، ކުރިމަތިވި ޕްރެޝަރާ އެކު ކޯޗު ރުބެން އަމޯރިމް މައާފަށް އެދިއްޖެ އެވެ.
ވެސްޓް ހޭމްގެ މިހާރުގެ ކޯޗު ޑޭވިޑް މޮއިސްއާ އެކު، އެ ކްލަބުން ހަދާފައިވާ އެއްބަސްވުން މި ސީޒަނުގެ ނިޔަލަށް ހަމަވާނެ އެވެ. މިދިޔަ އަހަރުގެ ޔޫއެފާ ކޮންފަރެންސް ލީގު ވެސްޓް ހޭމަށް ކާމިޔާބުކޮށް ދިން ނަމަވެސް، މި ސީޒަނުގައި އެންމެ ރަނގަޅު ނަތީޖާ ތަކެއް މޮއިސް އަކަށް ނުރެވުނެވެ.
ބަދަލުގައި އާ ކޯޗަކު ހޯދުމުގެ މަސައްކަތުގައި އެ ކްލަބުން ވަނީ ބައެއް ކޯޗުންނާ ވާހަކަ ދައްކައިފަ އެވެ. މިދިޔަ ހަފުތާގައި އަމޯރިމް ވެސް ވަނީ ލަންޑަނަށް ދަތުރުކޮށް ވެސްޓް ހޭމާ އެކު ވާހާކަ ދައްކައިފަ އެވެ.