ލިވަޕޫލުގައި ކްލޮޕްގެ އެންމެ ހިތްދަތި ބައްޔާ އެކު އުންމީދުތައް ފުނޑުފުނޑު
މިހާރު
25 އޭޕްރީލު 2024 | ބުރާސްފަތި | 6:45
ލިވަޕޫލް (އޭޕްރީ 25) – ޔާގަން ކްލޮޕްގެ ކޯޗުކަމުގައި، ގޫޑިސަންޕާކުގައި ފުރަތަމަ ފަހަރަށް ވީ ބައްޔާ އެކު ލީގު ހޯދުމުގެ ހުވަފެންތައް ފުނޑުފުނޑު ވެއްޖެ އެވެ.
މާސީސައިޑްގެ ކުރިމަތިލުމުގެ ގޮތުގައި މަޝްހޫރު ވެފައިވާ ލިވަޕޫލް ސިޓީގެ ދެ ޓީމުގެ ކުރިމަތިލުމުގައި އެވަޓަންއިން އަމިއްލަ ދަނޑުގައި ލިވަޕޫލްގެ މައްޗަށް، ކާމިޔާބު މި ހޯދުނީ 13 އަހަރު ފަހުންނެވެ. މި ތާރީހީ މޮޅަކީ، ލިވަޕޫލްގެ ކޯޗުކަމުގައި ކްލޮޕަށް ކުރިމަތިލާން ޖެހުނު އެންމެ ހިތްދަތި ބަލީގެ ގޮތުގައި އިނގިރޭސި މީޑީއާއިން ސިފަ ކުރި އެވެ.
"ގުޑިސަން ޕާކުގައި ލީގު ގެއްލުނީ،" ލިވަޕޫލުގެ ބައްޔާ އެކު އެވަޓަންގެ ސަޕޯޓަރުން ލަވައެއް ހެން ކިޔަމުން ދިޔަ އެވެ.