ތިން ރަށެއްގެ ހޮސްޕިޓަލްގެ އާ އިމާރާތް އަޅަން އެމްޓީސީސީއަށް
މިހާރު
20 އޭޕްރީލު 2024 | ހޮނިހިރު | 4:55
ތިން ރަށެއްގައި ހޮސްޕިޓަލްގެ އާ އިމާރާތް އަޅަން އެމްޓީސީސީއާ މިއަދު ހަވާލުކޮށްފި އެވެ.
ހެލްތު މިނިސްޓްރީން ބުނީ ރ. އަލިފުށި، ނ. މަނަދޫ އަދި މ. މުލީ ހޮސްޕިޓަލްގެ އާ އިމާރާތް ނިމުމުން ޖާގައިގެ ދަތިކަން ހައްލުވެ، އެތަންތަން ގިންތިކޮށްފައިވާ މިންވަރަށް ހުރިހާ ހިދުމަތެއް ލިބި، އެހެން ރަށްރަށުގެ މީހުންނަށް ހިދުމަތް ހޯދުމުގައި ފަސޭހަތަކެއް ވެގެންދާނެ ކަމަށެވެ.
މަނަދޫ އަދި މުލީގައި އަޅަން ހަމަޖައްސާފައިވަނީ 50 އެނދުގެ ދެ ހޮސްޕިޓަލެވެ. އެ ތަންތަން ނިންމަން 185 މިލިއަން ރުފިޔާއަށް ދީފައިވަނީ ދެ އަހަރުގެ މުއްދަތެކެވެ. އަލިފުށީގައި އަޅަން ހަމަޖައްސާފައިވަނީ 30 އެނދުގެ ހޮސްޕިޓަލެވެ. އެއީ 128 މިލިއަން ރުފިޔާއަށް، 730 ދުވަހުގެ ތެރޭގައި މަސައްކަތް ނިންމާ ގޮތަށެވެ.